Isber — Wikipedia Aller au contenu Menu principal Menu principal déplacer vers la barre latérale masquer Naiviaedje Mwaisse pådje Inte di nozôtes Dierins candjmints Årtike a l’ astcheyance Aidance Pådjes sipeciåles Cweri Cweri Apparence Ecwårlaedje Ahiver on novea conte S’ elodjî Usteyes da vosse Ecwårlaedje Ahiver on novea conte S’ elodjî Sommaire déplacer vers la barre latérale masquer Début 1 Etimolodjeye 2 Grandeurs Afficher / masquer la sous-section Grandeurs 2.1 Definixhaedje eternåcionå 2.2 Definixhaedje francès 2.3 Definixhaedje inglès 2.4 Ricoird 3 Coleurs 4 Fômes 5 Nateure Afficher / masquer la sous-section Nateure 5.1 Tchimin 5.2 Candjmints climatikes 5.3 Biesses 6 Djintrinnté Afficher / masquer la sous-section Djintrinnté 6.1 Risses 6.2 Lingaedjes 6.3 Coleur 7 Hårdêye difoûtrinne 8 Pî-note 9 Referinces eyet sourdants Basculer la table des matières Isber 101 langues Аԥсшәа Afrikaans Ænglisc العربية ܐܪܡܝܐ Asturianu Azərbaycanca Беларуская (тарашкевіца) Беларуская Български Banjar বাংলা Brezhoneg Català Čeština Чӑвашла Cymraeg Dansk Deutsch Ελληνικά English Esperanto Español Eesti Euskara فارسی Suomi Français Gaeilge Galego עברית हिन्दी Hrvatski Kreyòl ayisyen Magyar Հայերեն Interlingua Bahasa Indonesia Ido Íslenska Italiano 日本語 Jawa ქართული Қазақша ಕನ್ನಡ 한국어 Къарачай-малкъар کٲشُر Kernowek Кыргызча Latina Lëtzebuergesch Лезги Lietuvių Latviešu Мокшень Македонски മലയാളം मराठी Bahasa Melayu မြန်မာဘာသာ Эрзянь Plattdüütsch नेपाली Nederlands Norsk nynorsk Norsk bokmål Occitan ਪੰਜਾਬੀ Polski پنجابی Português Română Русский Саха тыла سنڌي Srpskohrvatski / српскохрватски Simple English Slovenčina Slovenščina Shqip Српски / srpski Svenska Kiswahili தமிழ் Тоҷикӣ ไทย Tagalog Türkçe Татарча / tatarça Українська اردو Oʻzbekcha / ўзбекча Tiếng Việt Winaray 吴语 ייִדיש 閩南語 / Bân-lâm-gí 粵語 中文 Candjî les loyéns Årtike Copene walon Lére Candjî Candjî l’ côde wiki Vey l’ istwere Usteyes Outils déplacer vers la barre latérale masquer Actions Lére Candjî Candjî l’ côde wiki Vey l’ istwere Général Pådjes ki loynut cial Candjmints aloyîs Eberweter on fitchî Hårdêye viè cisse modêye ci Infôrmåcion sol pådje Citer cisse pådje ci Obtenir l'URL raccourcie Utiliser l'ancien analyseur Imprimer / copyî foû Fé on live Aberweter come PDF Modêye sicrirece-amiståve Dins d’ ôtes pordjets Wikimedia Commons Cayet di Wikidata Apparence déplacer vers la barre latérale masquer Èn årtike di Wikipedia. El fôme d' èn isber sorlon on dessén. Èn isber, k' on pout lomer eto « ene montinne di glaece », c' est èn eshonna di glaece dins les mers ey oceyans k' est dins eyet so l' aiwe. Les isbers vegnnut foiravant di l' Antartike eyet do Greunlande.[1] Etimolodjeye [candjî | candjî l’ côde wiki] El mot « isber » vént d' deus mots neyerlandès : « ijs » eyet « berg » ki volnut dire « glaece » eyet « mont ». C' est sovint ciste oridjene la k' est riprindowe dins les lingaedjes. Totfeye, vla k' des lingaedjes n' uznut nén on derivé d' èç mot la. Inte di yeusses, li latén, wice k' isber s' dijhnut purade « mont di glaece », dj' ô bén « Mons glacialis ». Grandeurs [candjî | candjî l’ côde wiki] Definixhaedje eternåcionå [candjî | candjî l’ côde wiki] Li clasmint des isbers dipind di l' International Ice Patrol. Ki l' adierça principå, c' est d' s' aschouwer d' ene resconte inte ene montinne di glaece ey on batea.[2] Tåvlea des isbers sorlon li clasmint di l' International Ice Patrol : No[3] Hôteur[3] Longueur[3] Aire Masse Grôlere (Growlere) < 1 m < 5 m < 20 m² < 120 t Isberon (Bergy bit) 1 m ≤ X ≤ 5 m 5 m ≤ X ≤ 15 m 20 m² ≤ X ≤ 300 m² 120 t ≤ X ≤ 5.400 t Isberet (small iceberg) 5 m ≤ X ≤ 15 m 15 m ≤ X ≤ 60 m > 300 m² 5.400 t ≤ X ≤ 180.000 t Isberea (medium iceberg) 15 m ≤ X ≤ 45 m 60 m ≤ X ≤ 120 m /////////////////////////////////// 180.000t ≤ X ≤ 2 x 10^6 t Grandisber (large iceberg) 45 m ≤ X ≤ 75 m 120 m ≤ X ≤ 200 m /////////////////////////////////// 2 x 10^6 t ≤ X ≤ 3 x 10^7 t Foirtisber (very large iceberg) > 75 m > 200 m /////////////////////////////////// > 3 x 10^7 t Definixhaedje francès [candjî | candjî l’ côde wiki] E francès, cwand èn isber est pus ptit k' cénk metes di longueur, on-z el lome on « bourguignon ». Inte cénk eyet cwénze metes di lon, on-z el lome puvite on « fragment d'iceberg ». Dj' ô bén, på ratournaedje literå, on « boket d' isber ». Dins ci lingaedje la, fåt ki l' eshonna di glaece åye, å moens, cwénze metes po-z esse erconoxhou come èn « iceberg ».[4] Definixhaedje inglès [candjî | candjî l’ côde wiki] E-n inglès po k' èn eshonna di glaece soeye erconoxhou tot-z estant ene montinne di glaece, i doet fé, å moens, cénk metes di lon. Les eshonnas di glaece pus ptits sont lomés « growler » ubén « bergy bit ». On « growler » fwait moens di deus metes di lon. Tot rwaitant on « bergy bit », ès longueur est inte el ci do « growler » eyet do definixhaedje inglès di l' isber.[1] Ricoird [candjî | candjî l’ côde wiki] Les isbers savnut esse grand. El pus lon, lådje eyet spès, c' est l' Isber B-15. On-z el a veyou e 2000, do costé di l' Antartike. Il esteut lon di 295 km, parfond di 37 km ey il aveut ene stindêye di 11 007 km². Li dierin côp k' on l' veyou, c' esteut e 2011.[5] Coleurs [candjî | candjî l’ côde wiki] La pupårt des isbers sont blancs avou on pô di bleu. Poirtant, sorlon les rîles del fizike, i doevnut normåldimint esse bleus.[6] C' est a cåze d' ès compôzucion k' les isbers sont blancs avou ene miete di bleu. Dj' ô bén : del nive eyet del glaece des glaecîs.[7] Tenawete, i polnut esse completmint bleu[7], vert[6][7], u co djaene[6]. Virpus k' telcôp k' il ont deus coleurs al môde d' ene gåde-a-roye. Les vetès montinnes di glaece si trouvnut seulmint do costé di l' Antartike.[8] Li grande diferince, c' est k' ces isbers la, i n' ont pont d' bouye, contråvmint ås ôtes. Avou ça k' i sont compôzé d' aiwe d' mer djalêye. Houte di çoula, sacwants elemints djouwnut eto so leu vete coleur.[7] Po les isbers avou des coleurs al manire d' on zebe, on-z elzès ritrouvnut seulmint e-n Antartike. I sont askepyîs avou l' enancraedje di l' aiwe d' mer dins des bîleures astampêyes.[7] Les ales savnut afeye dner des vetès royes åzès montinnes di glaece tins d' leu crexhince dsu mins so les bokets dins l' aiwe.[9] E-n Artike, les isbers polnut divni blanc ubén bleu, si leu nivaye fondnut. Ådzeu d' ça, les blankès montinnes di glaece avou ene miete di bleu sont råle. Dandjreus k' i sront co pus råles avou les candjmints climatikes.[6] Fômes [candjî | candjî l’ côde wiki] Djenerålmint, les isbers ont dijh å cint d' leu stindêye ådzeu d' l' aiwe, pindant k' les nonante å cint sont padzo.[10][11] On conte shijh fômes d' isbers. Les fômes n' ont rén a vir avou les grandeurs u co les coleurs des montinnes di glaece. Les nos inte les åtchetes vegnnut di l' inglès eyet do neyerlandès : Tabulare (Tabular ubén ijsschots eyet vlakke vorm) : les tabulares ont l' fôme d' ene tåve. Wigue (Wedge eyet wig) : ces montinnes di glaece la rshonnnut a des otos d' coûsse wice ki les dvants sont plats. Dôme (Dome eyet koepel) : ces isbers la rshonnnut a ene cloke. Drôdoke (Drydock eyet droogdok) : el fôme rshonne al ci di sacwants bateas. Pinakele (Pinnacled eyet pinakel) : gn a des teras come so des monts. Bloki (Blocky eyet blok) : ça rshonne mo a on rectangue e dessén. Les discrijhaedjes des fômes si trouvnut dins el lisse padzeu. Nateure [candjî | candjî l’ côde wiki] Tchimin [candjî | candjî l’ côde wiki] Les tchimin shuvous pa ces tchôzes la sont shuvou på sincieus specialisses d' èç dominne la. Pacô, c' est po-z aveuri si les montinnes di glaece n' sont nén riscantes po l' biyovaryisté.[12] Les isbers ki vegnnut do Greunlande, do Levant do Canada u co del Bijhe di Mer do Nôr, s' evont viè l' Coûtchant di l' Irlande, li Rweyåme-Uni eyet do costé di Mer Mantche.[13] Tot å lon d' leu voye, les isbers divegnnut d' pus e pus ptits, veyånmint k' el vint shoufele dzeu, k' i s' copårtî avou les ans yet sins conter k' i fondnut eto.[14] Candjmints climatikes [candjî | candjî l’ côde wiki] Avou les candjmints climatikes, i gn a d' pus e pus d' isbers ki vegnnut.[15] Aprume di l' Antartike, ç' ki fwait k' ci continint la est ki piede si stindêye.[16] Totfeye, les isbers ki vegnnut des pôles n' sont nén todi a cåze des candjmints climatikes.[17] C' est l' veur po èn isber ki s' a dislaxhî do platea d' glace å moes d' djanvî 2023, k' esteut pus grand k' el province do Roman Payis. Dj' ô bén, aviè 1.550 km², 400 km² di pus k' ci province la.[18] Si djamåy èn isber va dins des mers ubén des oceyans wice k' i fwait pus tchôd, i polnut fonde. On-z a les pinses k' el vicance d' ene montinne di glaece, inte li moumint wice ki li prumire nive a tcheyou sol glaecî eyet l' tins k' i fondnut est di troes meyès anêyes.[19] Avou les candjmints climatikes, gn a kécfeye des isbers ki sacramintnut des moxhons, come les « sfénixhifômes » ([LA] Spheniscidae).[20] Biesses [candjî | candjî l’ côde wiki] Les isbers savnut afeye catibuler les ecosistinmes, come e candjant les corants marins u co e sacramintant les biesses ki vicnut dins les mers ey oceyans cwand les montinnes di glaece dmeurnut astok.[21] Gn a ossu l' risse k' des biesses dmeurnut blokêyes sont èn isber.[22] Djintrinnté [candjî | candjî l’ côde wiki] Risses [candjî | candjî l’ côde wiki] Al copete do mårtchî, l' aiwe des isbers ki vont dins les mers ey oceyans fijhnut discrexhe el salinitêye.[23] Les isbers n' ont nén seulmint ene poûssance so les biesses eyet les plantes, mins so les djins eto. Come di djusse, des veyes eyet des viyaedjes avént ddja dvou esse evacuwer, pask' ene montinne di glaece s' a raprepyî di trop. E 1912, li Titanic, on grand batea a stî evoyî å fond d' l' aiwe pa èn isber. Edward John Smith, el captinne do batea daléve si télmint rade ki n' aveut nén savou s' endè schouwer.[24] Ouy, c' est moens dandjreus d' si prinde ene montinne di glaece, gråce a l' tecnolodjeye k' on-z a, mins ça arive co tenawete.[25] Fådreut bouter k' avou, eviè, nonante å cint d' ès stindêye dzo l' aiwe, les isbers sont foirt nén-veyåves.[11] Po s' schouwer d' ces rujhes la, on-z uze voltî el sistinme GPS po-z awè pus åjhey a lzès trover.[19] Lingaedjes [candjî | candjî l’ côde wiki] Dins mwints lingaedjes, el mot « iceberg » pout discrire ene varyisté d' salåde. El mot « isber » est ossu uzé po d' ôtès tchôzes, inte di yeusses l' Etrernete. Come di djusse, çk' on lome li « clear web » fwait sondjî å boket del montinne di glaece ådzeu d' l' aiwe, pindant k' les « deep web » eyet « dark web » sont les bokets ki sont dzo l' aiwe, virpus dins les « abisses » des waibes.[26] Sins conter k' des lingaedjes, come l' inglès ey el francès, ont des fråzletes avou ci mot la : « Tip of the iceberg » ki dene på ratournaedje literå « Tera di l' isber » : fråzlete e-n inglès ki mostere el boket d' ene estance, sovint d' ene rujhe, k' on sait vir.[27] Li francès end a ene sifwaite : « La partie visible de l'iceberg » ki dvént e walon « Li boket veyåve di l' isber ». Tot rwaitant li lingaedje da Molière, on-z uze puvite …